.:: حارت عيوني ::.



حارت عيوني في وصف المشهد
شباب مصر نزلت الميدان تقول للعالم اشهد
وتقول للكون كفاية ظلم واستعباد
كفاية الام مصر على غيرنا تحن
واحنا ولادها وأولى بخيرها وبالشهد
كفاية البيه الحرامي يسرق رزق الفقير
ومن دمه يصير
بيه وبمنصب رفيع يسعد
ويقول له كفاية سبتك تتنفس
يا عم ابسط ومن غير ضريبة للنفس
يا عم ابسط

حارت عيوني في وصف الجموع
شباب مصر حر ابن حرة
طول عمرك يا مصر حرة
ماداسك عدو الا بيوم يندم
حرة ومن دمي بكسر قيدك
وتحار عيون الكون من بركان شبابك
وفي ميدانك
اروي الارض من دمي
وعلى ترابك اسكب دموع
حارت عيوني في وصف الجموع


حارت عيوني في وصف الميدان
هي كلمة مش أكثر
يا عم ارحل
ارحل خذ غربانك معاك
مصر من اليوم معدش يحلق في سماءها غير الحمام
ومعدش ينام في حضنها غير شبابها الجدعان
شباب ضحت بدمائها واشترت حرية
وفوق ارضك يا مصر
رسمت نصر
وبسمة على وجهة الامة

حارت عيوني في وصف الشباب
سنا أحلامهم لمع بالليل
حرك قلوب البشر
هتف بالويل
للي خان وباع
وفوق رباك خلانا جياع


حارت عيوني والقلب مسرور
في كل شبر من مصر ثورة
تنهى عصر الظلم والجور
مبارك عليكم الثورة
يا شباب يا حرة
ولا بارك الله فيك يا مبارك
يا فرعون زمانك
والحق ظاهر و الجمع منصور
والقلب المطمن النصر من الله